Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanchin thar thenkhat :

Hockey hmasawnna tur sawiho

Inrinni khan Chief Minister, Zoramthanga leh Sports & Youth Services Minister, Robert Romawia Royte bakah Hockey India President, Gyanendro Ningombam te chu Aizawl-a Chief Minister Office-ah inkawmin, Mizoram-a Hockey hmasawnna tur leh hmalak dan tur an sawiho a. Hockey chu Mizo thalaite tana eizawnna tling a nih thu leh, he discipline chawisang tur hian nasa taka tanlak pawimawh an tih thu an sawiho a. Aizawl-a 5-a-side Hockey Ground siam tum a nih thu te sawi a ni bawk. Federation of International Hockey in Mizo player Lalremsiami Rising Star of the Year-a an puang chu lawmawm an tih thu sawiin, Hockey hmasawnna atan sawrkar in Committee din tha an tih thu an sawi bawk.


Khaw 2-ah chenna In kang

Zirtawpni chawhnu dar 1:30 vel khan Mamit District chhunga Khawhnai khua ah kangmei chhuak vangin In 7 a kang a, mihring thi leh hliam an awmlo thung. Kangmei chhuah chhan hi dai hnaia Lo hal atanga intan nia hriat a ni a, In 6 te hi luahlai niin pakhat hi a ruak a ni thung. Dampa Group YMA chuan Vawiin hian hnatlang ko in kangmei tuar te chenna In sak hna an thawk dawn a, an Group huamchhunga Branch tin ten kang-mei tuarte tan mahni area theuh ah Venbur khawn nise an ti bawk.

Nimin zing dar 5:00 vel kham Saitual District chhung Ruallung khua a Bawihkima chenna In chu bungrua chuh hmanloh in a kangral bawk a, he In hi a hnuai Workshop atana hman niin heta tang hian kangmei pawh hi intan nia hriat a ni a, kangmei chhuah hnu hian In neitupa, kum 73-a upa hi bungrua chuh tuma tlanlut lehin nunna a chan phah thung a, a taksa a kangchhe nasa viau nia thudawn a ni bawk.


RD Minister in tlawh

Vaivakawn Thlanmual atanga NH-54 Sai-rang Road, motor hmanga pawh thlakna tur kawng sial mek chu Inrinni zing khan bialtu MLA leh RD Minister, Lalruatkima chuan a hmunah a tlawh.


Hmalakpui turin ngen

Myanmar ram buaina chungchangah NGO United For Democratic Myanmar Mizoram hruaitu te chuan Inrinni khan BJP Mizoram President, Vanlalhmuaka chu hmuinMyanmar ram buaina vanga Zohnahthlak mai bakah Democracy duh vanga buaina tawk ten India ram, Mizoram-ah sa himna an neih theihna tura Central Sawrkar-a hmalakpui turin ngenna an thehlut.


Sum dahloh tha ti lo

PC Party Senior Vice President, Vanlal-ruata chuan kum 2021-2022 Mizoram Budget-ah tlangram lo neite tan pawisa pakhat mah dah a ni lo tih sawiin, hei hi an Party chuan tha an tihloh thu leh hemi kawnga sawrkar kal dan chu thlak ngai an tih thu a sawi a, tlangram lo neih tihhmasawn leh tihhlawk tuma hma la turin sawrkar an phut thu a sawi bawk.

Comments

Chhiar Hlawhte