Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Raltlan dawnsawn chungchang ah chak zawka hmalak nise

Raltlan dawnsawn chungchang ah chak zawka hmalak nise

Tunhnaiah India thenawm a awm Myan-mar-ah tualchhung buaina thlengin mi tam takin nunna an chan tawh a, hetihlai hian mi tam tak raltlan awm tawhin India ramah ngei pawh raltlan an rawn lut ta nual mai a. Kan District chhungah pawh raltlan nia insawi a rawn lut te awmin kan District thuneitu lam te pawhin a hmunah tlawhin an dinhmun an enfiah tawh a. Chutihlai chuan kan sawrkar lama hotu lian ten ruahmanna felfai tak an la neilo nge, tun thleng hian heng raltlan te lo dawnsawn leh tuamhlawm chungchang ah erawh hmalakna liantham a awm lutuk lo niin a lang a, District thenkhat a hmalakna awm ang te pawh kan District-ah chuan ala awmlo emaw tih mai tur a ni bawk a ni.

Heng kan ramchhunga rawn raltlan te hi an raltlanna khua te chuan an theih ang anga lo dawngsawngin, riahna tur an pek mai bakah an ei leh in tur ngaihtuahin VC leh YMA te chuan Vehbur te hial an khawn sak nia hriat a ni a. Chutihrual chuan heng mite hi a ruka rawn tlanchhia an nih avangin mamawh leh tuam-hlawm an ngaihna tam tak a awm ngei dawn niin a lang a. Hei vang hian heng mite kan lo dawnsawn danah hian kan District thu-neitute mai bakah State sawrkar thleng hian tun aia chak leh rang zawka hmalak hi a tul ta mek niin a lang.

Kan ram thenawm-a buaina a thlen chhoh atang khan Mizoram-a khaw tam tak te chuan raltlan te lo dawnsawn an inpeih thu hi an lo sawi tawh a. Tunah pawh hian ral-tlan hi an awm belh zel lovang tih pawh sawi theih a nih tawh loh avangin kan sawrkar hian tuna aia chak zawk hian hma lain ruahmanna siam thei se a duhawm hle a ni.

Comments

Chhiar Hlawhte