Latest News

LC/VC inthlan senso atana ruahman in daihlo

Nikum 2020-a Mizoram-a Local Council 83 leh Village Council 475-a inthlan buatsaihna leh chumi atana Electoral Roll Revision neihna atan khan Rs. 3,30,58,000/- ruahman a ni a, hemi bak sum indaihlohna Rs. 1,62,66,560 chu Finance Department-ah dil belh mek a ni.

Mizoram State Election Commission (SEC) hotute sawi danin, Mizoram sawrkara Finance Department-in nikum-a Mizoram District 9-a Village Council leh Local Council inthlan buatsaihna atana Fund a pek (allocated) zat chu District thenkhatah an indaih lo a, hemi vang hian Rs. 1,62,66,560/- chu Finance Department-ah dil belh leh niin, hemi atang hian Rs. 6,48,000/- chu pek tawh an ni. Additional Fund hi Aizawl Local Council inthlanna tan Rs. 58,63,462/- dil belh niin Aizawl District-a Village Council inthlanna atan Rs. 6,41,256/- dil a ni bawk a, Lunglei District-a VC inthlanna atan Rs. 29,22,403/-, Serchhip District-a VC tan Rs. 1,10,470/-, Mamit District-a VC tan Rs. 24,25,775/-, Kolasib District-a VC tan Rs. 15,37,623/-, Saitual District-a VC tan Rs. 17,38,363/- leh Hnahthial District-a VC tan Rs. 10,27,208 dilh belh a ni.

Heng inthlanna a Additional Fund dil belhna te chu inthlan buatsaihna hrang hrang, Salaries atan Rs. 21,40,050/-, Wages atan Rs. 14,400/-, DTE-ah Rs. 2,43,894/-, OE atan Rs. 54,93,475/-, OAE atan Rs. 10,16,142/-, OC atan Rs. 32,69,709/- leh MV atan Rs. 20,88,890/- te an ni.

RTI zawhna State Election Commission chhanna a tarlan a nih danin, Aizawl Municipal Corporation (AMC) inthlan kaihhnawih ah khan Mizoram sawrkar chuan Electoral Roll Revision atan Rs. 18,80,380/- leh Conduct of Election atan Rs. 1,53,94,014/-, a vaiin Rs. 1,72,74,394 a ruahman a, sum hmanralna erawh bill zawng zawng siamfel a la nih loh vangin hriat theih a la ni lo thung.

Comments

Popular News (Last 30 Days)