AMC-ah by-election a hnai

Aizawl Municipal Corporation (AMC) thuneitute chuan AMC Ward pahnih-ah inthlan that a ngai tih sawrkar thuneitute hnenah an hrilh a, heng te hi AMC Ward No. VI leh leh Ward No. XIX te an ni.

Thudawn danin AMC Ward No. XIX a Corporator Baryl Vanneihsangi Tlau chu MLA atan thlantin a ni a, Ward No. VI-a Corporator John Zosangliana Ralte chu kumin March ni 21 khan a boral thung a. AMC thuneitute chuan Baryl Vanneihsangi Tlau hian MLA ni tura rinawmna thu a tiam hnu lawkah Nodal Department, UD&PA-ah an thlen nghal tih sawiin, UD&PA hian GAD lamah thlenin GAD hian State Election Commission (SEC) ah an thlen ve leh a, SEC chuan Electoral Roll buaipui turin District thuneitute hriattir tawhin kar hmasa khan Draft Roll tarchhuah a ni a. John Zosangliana Ralte bial chungchang pawh thlen tawhin, Inthlan hun tur erawh SEC thuneihna a nih thu an sawi a ni.

Aizawl Municipal Corporation (AMC) ah hian Ward 19 awmin MNF in Corporator 11 an nei a, ZPM in 6 leh Congress in 2 neiin tuna bial ruak hi ZMP leh MNF te bial a ni.