Lenkawl

PRISM President, Vanlalruata chuan ramri veng tura ramri-a Police dah tur leh tuna kan ramchhunga Assam Forest rawn inbun chu an ram chinah umleta ramri humhalh tura che chhuak turin Mizoram sawrkar chu an beisei thu a sawi.

Mizoram Pradesh Youth Congress Committee (MPYCC) chuan Assam leh Mizoram ramri chungchangah \umdang anga zuzi san tawh lova huaisen taka hmalam pan ngam turin MNF sawrkar chu an phut thu an sawi.

Land Revenue & Settlement Minister, Lalruatkima hovin nimin khan Revenue Department Officer te chu LR&S Conference Hall-ah \hu-khawmin he Department hmalakna hrang hrang thlir anih bakah Department tihchangtlun dan tur kawng hrang hrang an sawiho.

Assembly Deputy Speaker, Er. Lalrinawma chuan |helret chu sumchang thlai, chinsual awm thei lo tluk a nih thu a sawi.

Mizoram DIET Faculty Council (MDFC) in nimin-a Conference vawikhatna an hman chu Chief Minister, Zoramthanga chuan hmanpuiin DIET Lecturer kalkhawmte chu ramin zirna lama hma a sawn nan theihtawp chhuahtlang a thawhpuiah a sawm.

National Highway Infrustructure & Development Corporation Limited chuan an Company bul\an a\anga kum 5-na denchhenin nimin khan Govt. H/S Serchhip-ah High School-a zirlaite tan Essay inziahsiakna an buatsaih a. Zonuntluanga, Marian H/S chu pakhatna niin Christina Malsawmtluangi, Marian H/S chu pahnihna a ni a, Felcy Lalnunziri, Govt. H/S Serchhip chu pathumna a ni bawk. NHIDCL te hian Mizoram chhunga NH. 54 leh National Highway hrang hrang tihzauh hna engemaw zat an thawk mek a ni. 

Serchhip khawchhunga Village Council hrang hranga VCP leh Secretary te tana ni thum chhung awh Training on Community Based Natural Resources Management chu nimin khan a kharna hun hmangin zawhfel a ni.

Tunkar Thawh\anni khan Serchhip Police te chuan Serchhip District-a Vawk lakluh 29 chu Bungtlang khua ah an man a, heng Vawk te hriselna dinhmun hi AH&Vety Department chuan an enfiah nghal bawk.

Mizoram sawrkar in Govt. Serchhip College tana nimin a Bus thar a pek chu nimin khan Govt. Serchhip College chuan a lawmna hun an hmang.

Mizoram Aero Sports Association (MASA) chuan Serchhip-a Mizoram Aero Sports Association Flying Site chu World Class Flying Site tling phak a nih avangin Serchhip chu Paragliding Accuracy World Cup 2020 1st Series thleng thei a nih thu an sawi.

Tunhnaia ruah sur nasa avangin nimin tlai khan Serchhip Chanmari Veng-a Zabiaka h/o Sapdawli te chenna In, chhungkaw pahnih luahlai chu a kawmchhak lama leimin in a hnawl a, mihring thi leh hliam an awmlo.

Mizoram sawrkar in Mizoram-a College 9 te tana Bus a pek thar chu nimin zing khan Higher & Technical Education Minister, Dr. R. Lalthangliana chuan Mizoram New Capital Complex a\angin a vailiam a, Govt. Serchhip College pawhin Bus thar pakhat a dawng bawk.

MNF Party chuan Chief Minister, Zoramthanga kaihhruai sawrkar chuan Nationalist sawrkar a nihzia a tarlang chiang nia sawiin, chhuanawm an tih thu an sawi.

Mizoram Pradesh Congress Committee (MPCC) chuan tunhnaia Mizoram sawrkar-a Council of Minister \hukhawm thu rel chu ramri a buaina a thlen lai denchhen a mipui rilru hruaisual tumna dik tak niin an sawi.

All Mizoram Petroleum Dealers Association (AMPEDA) leh Mizoram Tanker Driver Association (MOTDA) chuan niminpiah khan inremna siamin, nimin a\ang khan Oil phurtu ten load an la leh \an nghal.

ZPM |halaite chuan ramri humhalh chungchangah sawrkar in thapui chhuah a tum a nih chuan theihtawpa \anpui an inhuam thu sawiin, ngawihbopui a tum a nih erawh chuan na takin an nawr dawn tih an sawi.

Chief Minister, Zoramthanga chuan Mizoram sawrkar in a din Development Board hrang hrang te chu an thil tum leh hmalak dan tur te chiang taka duang a, an thawh tur \heuh \ha taka thawk tura a duh thu a sawi.

Nimin khan Rural Development Minister, Lalruatkima hovin a Office Chamber-ah Rural Development Department mamawh hrang hrangte sawiin Rural Development Department leh Finance Department hotute an \hukhawm a.

BSNL chuan tunhnaiah Media \henkhat in BSNL chu khar theih mai dinhmunah a ding niin an tarlang tih sawiin, hei hi thu diklo leh belhchian dawllo niin an sawi.

Mizoram sawrkar-a Agriculture Board chu nimin khan Chief Minister, Zoramthanga hova \hu-khawmin Mizoram-a Agriculture tih hmasawnna tura hmalakna thar siam dan tur an sawiho.