Latest News

Mizoram-ah Oil phurhluh \an a ni leh ta

All Mizoram Petroleum Dealers Association (AMPEDA) leh Mizoram Tanker Driver Association (MOTDA) chuan niminpiah khan inremna siamin, nimin a\ang khan Oil phurtu ten load an la leh \an nghal.
Mizoram Tanker Driver Association (MOTDA) te hian Pump Allowance leh hlawh Rs. 5000/- aia tlemlo an phut avangin Zirtawpni a\ang khan Mizoram-a Oil phurhluh tur load an la duhlo a, hei vang hian Mizoram hmun hrang hrangah tuialhthei harsatna a thleng chho \an mek a. Niminpiah khan Supply Department Commissioner leh Secretary, HL. Rochung-nunga IAS Office Chamber-ah pawl pahnihte aiawhte hian meeting neiin inremna thuthlung an siam ta a ni.
He inremna an siam ang hian P.O.L (HSD/MS/XP) pawlh dal leh kawng laka khawih chingpen tihtawp a nih theih nan theihtawp chhuahin anmahni leh an hnuaia thawkte an inhnamhnawih lohna turin hma an la anga. AMPEDA in an hnuaia thawk POL Tanker Driver te Minimum Wages Act hnuaia Mizoram sawrkarin hlawh a tuk \hin angin Muster Roll Skilled-II ang hisapin hlawh an pe ang a. Thawktu dangte pawh Minimum Wages Act hnuaia Mizoram sawrkarin hlawh a pek ang hisapin hlawh an pe \hin anga. AMPEDA hian an hnuaia thawk POL (Oil) Tanker Driver te chu an thawh dan a zir te, an tlan dan a zir leh an mamawh dan a zirin kham khawp Road ration pek \hin ang tih te telin hetianga inremna an neih avang hian MOTDA in July 5, 2019 a\anga ngiat neia POL load la lo tura nawrh an lo huaihawt chu chawp leh chilhin an titawp nghal a ni.

Comments

Popular News (Last 30 Days)