Leimin in Chanmari Veng-ah In pakhat a hnawl

Tunhnaia ruah sur nasa avangin nimin tlai khan Serchhip Chanmari Veng-a Zabiaka h/o Sapdawli te chenna In, chhungkaw pahnih luahlai chu a kawmchhak lama leimin in a hnawl a, mihring thi leh hliam an awmlo.
Inrinni kalta a\anga Serchhip leh a chhehvel-a ruah sur nasa avang hian nimin tlai dar 4:00 vel khan Lower Chanmari (Nursing School Road)-a Zabiaka te In hi a chhaklam, Tarpi tlang pang min in a hnawl a, leimin in In a hnawl hma hian lei hi tlem rawn min hmasain hetah hian In neitute hi an chhuak a, hemi hnu lawk hian a kawmchhak lam hi nasa taka rawn min zuiin an In hi a hnawl vek a ni. He In hi Assam Type niin IHSDP hnuaia In sak \anpuina hmanga sak a ni a, an chhungkua hi mi pathum niin vanduaina thlen lai hian an chhuak hman vek a, an In hnuai hi Mawithanga s/o Thangkhawsei chuan amah in a luah bawk a, ani pawh hi In chhiat hma hian a chhuak hman bawk He In chhe ta luahtute hian an bungrua engmah chu hman lovin In chim hian a liampui vek a, lei minna hmun hi che leh mai thei dinhmuna a din avangin In chhia senghawi hna hi thawh ala ni lo a, khaw awmdan in a zir chuan Vawiin-ah senghawi hna hi thawh a ni ang. He vanduaina thlenna hmun hi nimin vek khan Serchhip DC Office a\angin Sub-Deputy Commissioner (SDC), Denny Lalchhuanawma leh Serchhip SDPO, Victor Zothansanga te chuan tlawhin thil awmdan an enfiah nghal a. Serchhip bialtu MLA, Lalduhoma chuan In neitute hi Rs. 3000/- leh an In luahtu hi Rs. 2000/- ZPM Serchhip hruaitute kaltlangin a hlan nghal bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia