PRISM in ramri humhalh tura chetchhuah phut

PRISM President, Vanlalruata chuan ramri veng tura ramri-a Police dah tur leh tuna kan ramchhunga Assam Forest rawn inbun chu an ram chinah umleta ramri humhalh tura che chhuak turin Mizoram sawrkar chu an beisei thu a sawi.
Nimin a Aizawl-a PRISM Party Office-a thu a sawina ah PRISM Party President, Vanlalruata chuan Mizoram sawrkar hian kum 1988 khan Bengal Eastern Frontier Regulation 1875 in ramri a siam, Innerline 1875 tia sawi bawk chu ramria a pawm thu a lo puang chiang tawh tih sawiin, kan harsatna zawk chu he ramri hi humhalh tura kan sawrkar a che ngam \hin lo zawk chu a nih thu a sawi a. “Mipui a hmai phih nana chulai chin chu ramri-ah kan pawm tih lam hi ni lovin ramri humhim tur chuan sawrkar hi a che mai tur a ni,” a ti.
PRISM Party President chuan 'BEFR 1875 ramri kan pawm' tia thutluka siam ringawt chu tawk an tih loh thu pawh sawiin, ramri veng tura ramri-ah Police dah tur leh tuna kan ram chhunga Assam Forest rawn inbun chu an ram chinah umlet a ramri humhalh tura che chhuak nghal tura sawrkar chu an beisei thu pawh a sawi a, “Keini chu sawrkar ila kan ram chin hi kan la vek ang a. Ramri-ah Police dahin kan ram chin kan humhim ang,” a ti a. Mahni ram humhim chu sawrkar tih tur bulpui leh a dinchhan anih thu a sawi bawk.

Comments

Popular posts from this blog

PAN CARD an tih teh fo hi - Laldinpuia