Minister hovin Revenue Deptt. hmalakna sawiho

Land Revenue & Settlement Minister, Lalruatkima hovin nimin khan Revenue Department Officer te chu LR&S Conference Hall-ah \hu-khawmin he Department hmalakna hrang hrang thlir anih bakah Department tihchangtlun dan tur kawng hrang hrang an sawiho.

He \hutkhawm ah hian Revenue Minister chuan Revenue Act kan neih te ennawn a siam\hat ngai lai te bawhzui mek anih thu sawiin, ram enkawlna chungchanga kalphung kan lo neih ah te, Sawrkarin dan a siam te zahthiama ngaipawimawh turin a chah a. Land Acquisition Act pawh Mizo hnam zia leh nihphung mila dan siam anih thu leh a hlawhtlinna tura hma-lak mek anih thu a sawi bawk.

Minister chuan Department hmalakna leh kalphungah hmasawn belhna tur tam tak a awm thu pawh sawiin, LSC inbawhthuah leh ramri chungchangah te buaina tam tak a awm \hin a, heng harsatna te hi pumpelh anih theih nan fim-khur taka thawk tur leh an hnuaia thawkte pawh uluk taka vil \hin turin a chah a. Revenue Department lakah sawrkar beiseina a sang tih pawh sawiin, chhiah lak leh khawn chungchangah te pawh diktak leh felfai taka thawk turin a chah bawk.

Nimin a \hutkhawmah hian Revenue Department dawr tute tana thil a awlsam zawk dan tur kawng hrang hrang an sawiho a, chhiah pek dan pawh ‘e-payment system’ a kalpui anih mai bakah Single Window System-a Shhiah pek anih theih dan tur te sawiho niin ruahmanna siam tum a ni a. Digitization of Land Records leh Documents te, Land Pass pekchhuah dan mumal leh awmze nei zawka kalpui dan tur te bakah Department chhunga Staff indaihlohna leh harsatna hrang hrang awmte sutkian dan tur an ngaihtuah a. He hunah hian Revenue Secretariat leh Directorate a Gazetted Officer te bakah District hrang hranga SO leh ASO te an tel a ni.