RD Deptt. harsatna sawiho

Nimin khan Rural Development Minister, Lalruatkima hovin a Office Chamber-ah Rural Development Department mamawh hrang hrangte sawiin Rural Development Department leh Finance Department hotute an \hukhawm a.

He hunah hian DRDA hnuaia thawkten thla tam tak hlawh an lak theih loh chungchangte, Pradhan Mantri Awas Yojana (Gramin) PMAY(G) chungchang te, kum hmasa lamah Budget a tel \hin thil pathum kumin Budget a lang lo chungchang leh MG-NREGS sum tang chungchangte bakah Furpui thleng mek a mipui mamawh phuhruk nan silpau-line lei chungchangte an sawiho a ni a. Minister hian thawktute hlawh tur chu Finance Department te ngaihtuah sak turin a ngen a. PMAY (G) Scheme leh MNGREGS sum lo thleng Finance Department a tang mek te chu a rang lama lehkha \ul te kaltira release vat dan tur an sawiho a nih bakah RD Budget-a tel ta lo Scheme \henkhat te chu a tahtawla allocation siama telh dan tur te pawh sawiho a ni bawk.