Serchhip-a Flying Site World Class Flying Site a tlin avangin World Cup thlen theih a ni

Mizoram Aero Sports Association (MASA) chuan Serchhip-a Mizoram Aero Sports Association Flying Site chu World Class Flying Site tling phak a nih avangin Serchhip chu Paragliding Accuracy World Cup 2020 1st Series thleng thei a nih thu an sawi.

Nimin-a Aizawl Press Club-a thuthar thehdarhtute an kawmna ah Mizoram Aero Sports Association hruaitute chuan an pawl chu kum 2010-ah din a nih thu leh Mizoram chhunga Air Sports discipline hrang hrang ten hma an sawn theihna tura hma an lak \hin thu an sawi a. Paragliding bikah phei chuan Mizo \halaite tan Training programme te buatsaihin mi pasarih (7) laiin Advance Couse \ha taka an zawh bakah Mizote khawvel hriata kan in pholan theihna turin Festival leh Competition - Pre-World Cup pawh nikum December thla khan hlawhtling taka an lo buatsaih tawh thu an sawi a. Hetianga Pre-World Cup Paragliding Accuracy buatsaih theih anih avang hian World Cup Organizing Body chuan Paragliding Accuracy World Cup 2020 1st Series chu organize phalna a rawn pe ta tih sawiin, Mizoram Aero Sports Association Flying Site, Serchhip ami chu tehna hrang hrangah “World Class Flying Site” hial a lo tlin thu leh hei hi Mizote sawi mai ni lovin FAI (Federation Aeronautique Internationale) Technical Team, a hmun endik tura lokal te tehna a nih thu an sawi bawk.

MASA General Hqrs. hruaitute chuan Federation Aeronautique Internationale (FAI) hnuaiah hian Competition hrang hrang buatsaih \hin a nih thu leh khawvela inelna (Competition) sang ber chu World Cup anih thu an sawi a. Paragliding-ah hian in elna chi thum – Cross Country, Accuracy leh Acro te awmin, World Cup pawh hi Series hrang hranga \hen lehin Mizoram hian Paragliding Accuracy World Cup 2020 1st Series chu Serchhip-ah a thlen tur a nih thu an sawi a. He intihsiakna neih tur hi World Top Level Pilot te inelna tur a nih thu te, khawvel ram hrang hrang a\angin participants 80 chuang tel tura beisei an nih thu leh Mizo \halaite pawh tel ve thei tura beisei a nih thu sawiin, he Event hi Paragliding Accuracy World Cup Body rawn buaipui tur a nih thu an sawi a. He hun hi Mizoram in hlawhtling taka a thlen theihna turin Chief Minister ho in Organizing Committee lian tak din a nih thu te, Chief Patron-ah Chief Minister bakah Chairman-ah Sports Minister leh Working Chairman-ah Wg. Cdr. J. Lalhmingliana te ruat an nih thu te an sawi bawk.