ZPM |halai ten sawrkar \anpui an inhuam

ZPM |halaite chuan ramri humhalh chungchangah sawrkar in thapui chhuah a tum a nih chuan theihtawpa \anpui an inhuam thu sawiin, ngawihbopui a tum a nih erawh chuan na takin an nawr dawn tih an sawi.

Nimin a thuchhuah an siamah ZPM |halai General Hqrs. chuan Vairengte leh Lailapur inkara Mizoram leh Assam-te ram inchuhlai, Mizoram sawrkar leh Assam sawrkar inbiaknaa a tu lam lam pawhin engmah tih lova awm (Status Quo) tura thutlukna an lo siamna huamchhunga awm, Cinema Hall hlui July ni 6, 2019-a Assam Forest Department-in chei\haa an luah ringawt chu pawi an tih thu sawiin, Mizoram IR Batallion \ha takte, he Cinema Hall hlui an sa\ha lai leh an luahlut lai lo 'Uipui tuilian thlir' ringawt tura Mizoram Sawrkar-in a tir chuan 'Se bo hnua Se kawng khar' pawh a tluk lo tih tarlangin, “Kan Police-te leh Mizoram mipui min mualphona ah ZPM |halai Gen. Hqrs. chuan a ngai a ni,” an ti.

ZPM |halaite chuan MZP in Bairabi Zophai-a Zofate Chawlhbuk an sak avanga buaina chhuak chungchangah Opposition an nih laia MNF MLA-te leh an Party hruaitute rang taka a hmun thlengthlaa, Mizoram ramri humhalh an tum thu sawituten thuneihna an chan hnu, tuna buaina ah a hmuna kala enfiah peih pawh awm lo khawpa ramri an vei ta lo leh kan Minister ten 'tapchhak zawl-a' kan ram a nih thu an puang peih ta lek mai chu hrilhhaithlak an tih thu pawh tarlangin, MNF Ministry hmasaa Mizoram ramri buai chungchanga All Party leh NGOs Meeting-in kum 2007-a Boundary Commission din tura Memorandum an siam, Prime Minister hnena thehluh a nih leh nih loh chungchang Assembly Session neih zawh taka Unstarred Question-a zawhna Home Minister-in a chhanna ah 'Boundary Commission dinna tura Memorandum siam kha Prime Minister hnenah thehluh a nih hriat a ni lo' ti-a a chhang chuan MNF Sawrkar in kan ramri humhalh chungchang a ngaihthahzia a ti chiang hle ah an ngaih thu an tarlang bawk.