Latest News

CM in Development Board te \ha taka thawk turin duh

Chief Minister, Zoramthanga chuan Mizoram sawrkar in a din Development Board hrang hrang te chu an thil tum leh hmalak dan tur te chiang taka duang a, an thawh tur \heuh \ha taka thawk tura a duh thu a sawi.
Nimin a CM Cabinet Meeting Room-a Veterinary and Fishery Board \hut-khawm a hmanpuina ah he thu hi sawiin Chief Minister chuan Mizoram chu ei tura intodelh State-ah siam tur a nih thu leh chu chuan buh, thlai, sa leh Oil a huam thu a sawi a. Veterinary and Fishery Board chuan Sa-a state a intodelh theih nan hmalak dan tur a duan tur thu pawh sawiin, chumi atana pawimawh hmasa chu ran chaw a intodelh a nih thu a sawi bawk.
Chief Minister chuan Sa-a intodelh tur chuan chhungkhat eichawp te te a mahni remchan dan a vulh mai nilovin, a vulhna hmunpui tur siamin, Mizoram chu a remchan theih dan ang bera Area-Wise a \hen hrangin, mipui mamawh dan zirchian hmasak a, chumi mil zel chuan Area khat chawm thei turin a bulhnaia ran vulhna siam nise a ti a. Board chuan zirchianna nei a, a hmun turte thlang a, ran hrang hrang demand awm dan leh a vulhna atana mamawh te an ngaihtuah tur thu a sawi. Fishery lamah pawh Plan mumal tak siamin, Sangha bakah Chakai leh a dangte pawh mipui a\anga demand a awm dan angin tih hmasawn dan tur zawn tel nise a ti a. Board hrang hrangte hmalakna chu Society anga kalpui tur a nih thu a sawi bawk.
He Meeting-ah hian Veterinary and Fishery Board Chairman, Dr. K. Beichhua MLA chuan ran lakluh kawngah pawnlam a\anga lakluh chu fimkhur a pawimawhzia leh natna laka fihlim tlan theih nan Plan siam tel a \ul thu a sawi a. Board Vice-Chairman, C. Lalmuanpuia pawhin Board hmalakna ah member te leh a kaihhnawih Department te chu inpawh leh inthurual taka an thawhho a pawimawh zia a sawi bawk.

Comments

Popular News (Last 30 Days)