Ram in zirna lama hma a sawn theih nana thawhpui ah CM in DIET Lecturer te a sawm

Mizoram DIET Faculty Council (MDFC) in nimin-a Conference vawikhatna an hman chu Chief Minister, Zoramthanga chuan hmanpuiin DIET Lecturer kalkhawmte chu ramin zirna lama hma a sawn nan theihtawp chhuahtlang a thawhpuiah a sawm.

Hotel Regency Conference Hall-a Mizoram DIET Faculty Council (MDFC) Conference hmasa berah hian Chief Minister chuan DIET Lecturer te chu mithiam kalkhawm an nih angin leh zirlai zirtirtu turte hnena thiamna hlanchhawngtu an nih avangin mi ngaihtuahna leh rilru sutthlek kaihhruai kawngah mawhphurhna an nei thui hle tih a sawi a. Hmasawn tura Mizoram in asset, ro a neih chu ram zau \ha tak te, ruahtui \ha, sik leh sa nuam tak, leihnuai-ah Gas, a chhunga cheng tam zawk lehkhathiam, \awng khat hmang a nihna te a nih thu sawiin, hmasawn tur chuan heng aia beisei tur dang kan mamawh loh thu leh a pawimawh ber zawk chu heng kan asset neihte hi ram intodelh leh hausa kan nih theih nan a hmang \angkai tura thiamna leh rilru thlak danglam a nih thu a sawi bawk.

He hun hi School Education Minister, Lalchhandama Ralte chuan khual zahawm nia hmanpuiin zirna leh hriselna tihhmasawn chu sawrkar in a ngaih pawimawh ber te zing a mi a nih thu a sawi a. Hmasawnna ruangam \ha tak taka dinchhoh ni mahse a hmang \angkaitu tur mihring ber tih hmasawn an nih loha Human Resource \ha kan neih loh chuan hmasawnna a rualkhai lovin awmzia a nei thui dawnlo a ni, a ti a. DIET Lecturer zingah M.Ed nei duhthusama an tam tawk loh thu leh Doctorate nei an tlem thu sawiin, hun lo kal zel turah zirna sang zawk duh belh zel a nih dawn avangin tuna thawk mekte chu zir zawm tumna rilru pu turin a chah bawk. Transfer and posting chungchang ah transfer chu an hna in a ken tel a ni tih hre reng tur leh mahni duhna hmunah chauh awm tum lo turin a chah a, Aizawl a in hnawhtawt vak a thing-tlang lam a thawrawng chu sawrkar duhdan a nihloh thu a sawi bawk.

MDFC Conference hi an President, Lalchhuanawma chuan kaihruaiin Vice President, Zothankima hnen a\angin DIET dinchhoh a nih dan leh hmalakna te ngaihthlak a ni bawk.