Dan lova Vawk lakluh man

Tunkar Thawh\anni khan Serchhip Police te chuan Serchhip District-a Vawk lakluh 29 chu Bungtlang khua ah an man a, heng Vawk te hriselna dinhmun hi AH&Vety Department chuan an enfiah nghal bawk.
Serchhip Police te hian an thudawn bawhzuiin Serchhip District Magistrate in \henawm ram (neighbouring States/Country) leh District dang a\anga Vawk leh Vawksa a\anga thilsiam reng reng lakluh a khapna May 24, 2019-a a tichhuah bawhchhiaa Champhai District a\anga Vawk lakluh 29 te hi tunkar Thawh\anni khan Bungtlang khua ah an man a, heng Vawk te hi Lalhunvuli d/o Vanlalhnuna, Champhai Zotlang mi nia inchhalin 207 Truck hmanga a rawn phurh tir niin Champhai a\angin Serchhip District kaltlangin Lunglei lama phurh tur a ni.
Serchhip Police te chuan heng Vawk leh a neitu bakah a rawn phurhna Motor hi hreng nghalin nimin khan Vawk neitu hi Serchhip-a Chief Judicial Magistrate hnenah hruai tura tih a ni a. Heng Vawk te hi Police te chuan AH&Vety Department hotute kutah hlan nghalin nimin vek khan PRRS hrik pai an nih leh nih loh enfiah turin an thisen sample lak nghal a ni a, Vawk pakhat hi man a nih hnu hian a thi tawh nghe nghe a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia