Latest News

College Bus thar lawmna nei

Mizoram sawrkar in Govt. Serchhip College tana nimin a Bus thar a pek chu nimin khan Govt. Serchhip College chuan a lawmna hun an hmang.
Govt. Serchhip College Office tual-a College Bus thar lawmna hun hi College Principal, Dr. C. Sangluaii chuan kaihruaiin College Bus thar an neih chuan Zirlaite mamwh zawng zawng phuhru rihlo mahse College in Transportation lama harsatna an tawh tam zawk chu phu-hruk a ni dawn nia a hriat thu leh Bus thar petu Sawrkar leh Bus thar an neih theihna tura tha leh zung sengtu zawng zawngte chungah lawmthu a sawi a. Govt. Serchhip College Vice Principal, PC. Lalremsiama chuan Pathian hnena lawmthu sawina leh Bus thar hlanna \awng\aina hun a hmang bawk.
He hunah hian K. Lalrinchhana, Associate Profesor chuan College aiawh a thu sawiin, Bus thar an neih chuan Zirlai te Attendance leh Exam result thlenga hmasawnna leh rah \ha a chhuah ngei an beisei thu a sawi a. Govt. Serchhip College Student Union, MZP Hqrs. Serchhip leh MSU Serchhip District aiawh ten lawmthu sawina an nei bawk.
Govt. Serchhip College hian Bus pahnih neiin heng te hi an neihna a rei tawh avang leh a \hat tawk tawhloh avangin zirlaite hian harsatna an tawk fo a, tun \uma College Bus an neih thar hi Higher & Technical Education changtu Minister in Mizoram-a College 9 te tana nimin-a Bus a hlan tak zinga tel kha a ni.
MSU in lawmthu an sawi
S Mizo Students’ Union (MSU) General Hqrs. chuan Mizoram-a College hrang hrang pakua (9) te Bus tur vailiam a ni ta chu lawmawm an tih thu an sawi a. College-ten Bus an neih theih nana NEDP-a sum dahtu sawrkar hmasa chungah lawmthu sawiin, Sawrkar thar in bawhzuia a tak ram a thlenpui pawh lawmawm an tih thu sawiin, Bus dawngtu College hrang hrangte an lawmpui thu an sawi bawk.

Comments

Popular News (Last 30 Days)