Council of Minister thurel awmze neilo niin sawi

Mizoram Pradesh Congress Committee (MPCC) chuan tunhnaia Mizoram sawrkar-a Council of Minister \hukhawm thu rel chu ramri a buaina a thlen lai denchhen a mipui rilru hruaisual tumna dik tak niin an sawi.

Nimin a thuchhuah an siamah MPCC Media Department chuan Council of Minister \hukhawmin Assam leh Mizoram ramri atana Bengal Eastern Frontier Regulation, 1875 chu Mizoram sawrkar \anchhana hman tur a nih thu an sawi chu India sawrkar leh MNF inremna, Memorandum of Settlement Article 4.3 (1)-ah North Eastern Areas (Reorganisation) Act, 1971 chu ramri atana an pawm thu ziahlan a ni vek tawh tih tarlangin, hei vang hian hemi chungchanga Council of Ministers thu pass chu thu awmze nei lo, ramri a buaina a thlen lai denchhen a mipui rilru hruai sual tumna dik tak a ni, an ti. Hei bakah hian MPCC chuan Technical seat inchuh chungchanga ‘Indigenous people’ tih, ‘Zo-Ethnic’ te puala dah a nih tur thu an sawi pawh High Court-in a hnawl hlim hlawl, Supreme Court lama appeal leh mek a la nih chauh avangin a taka hman theih loh tur, thu awmze nei lo, politics a hming\hat tumna mai niin an sawi bawk.