Chaw-a intodelh ngaih pawimawh a ni dawn - CM

Mizoram sawrkar-a Agriculture Board chu nimin khan Chief Minister, Zoramthanga hova \hu-khawmin Mizoram-a Agriculture tih hmasawnna tura hmalakna thar siam dan tur an sawiho.
CM Cabinet Meeting Room-a he \hutkhawm ah hian Chief Minister chuan Agriculture lama hmalakna ah chuan tuna ngaihpawimawh hmasak ber tur chu Chaw a intodelh a nih thu sawiin, kan intodelh chuan \henawm state-ah buaina engemaw lo thlen avanga supply lama buaina kan tawh \hin chu a awm tawh dawnlo a ni, a ti a. Agriculture Department in an chhut dan in Mizoram-ah buh leh thlai chin theihna hectare 70,000 chuang a awm tih pawh sawiin, remchang taka hman thiam chuan State chhunga cheng mipui chu a chawm zawh vek tur thu leh mipui kan tamloh avangin leh hlawk zawka tharchhuah - large scale production neih theih nan mihring tha chauh a innghat lovin khawl hmanga ‘Mechanised System’ a kalpui chu kan tum tur a ni, a ti bawk.
Chief Minister chuan Agriculture Development Board chuan buh a intodelh chu an hmalakna pui ber a nih tur thu sawiin, a bul\anna atan leilet siam tawh, khawl hman theih nghalna ah hmalak a, chumi atan chuan Society te siam a, khawl leh chi leh lei\ha leh mamawh tur hrang hrangte chu Society in Board-ah thlen in, Board leh Department chu thawkhovin an lo ngaihtuah zui sak tur a nih thu a sawi a. Chumi atan chuan Board chuan hmalakna dan tur mumal tak duang a, Society inkaihhruaina turte chu fel taka siam turin a chah a. Board hmalakna chuan leilet khawl hman mai theihlohna, ram siamrem chawp ngaite leh leilet siam belh te pawh a hmalak zelna turah a tel chhoh tur thu a sawi bawk.
Chief Minister chuan leilet chu lei\ha mamawh vek a nih avangin tun dinhmunah chuan loh theih loh avanga Chemical Fertilizer hman \hin ni mahse zawi zawia Organic Fertilizer a inleh chhoh dan tur Board chuan ngaihtuah tura a duh thu a sawi bawk.

Comments

Popular posts from this blog

PAN CARD an tih teh fo hi - Laldinpuia