Latest News

MPYCC in huaisen taka hmalam pan turin phut

Mizoram Pradesh Youth Congress Committee (MPYCC) chuan Assam leh Mizoram ramri chungchangah \umdang anga zuzi san tawh lova huaisen taka hmalam pan ngam turin MNF sawrkar chu an phut thu an sawi.
Nimin a thuchhuah an siamah MPYCC chuan July ni 6, 2019 (Inrinni)-a Assam Forest Department ten Office luah tuma building hluite an cheihnum chu Mizoram sawrkar chuan mipuite hmuh turah hma la angin Police te tir mah se Police te hnenah thupek a awm si loh avangin kan ram-chhung ni-a kan ngaih ah Office an rawn luah ta tih an tarlang a. Mizo mipui nawlpuiin Assam nena ramri kan pawm theih reng reng loh tur, North Eastern Areas Reorganisation Act,1971, MNF Accord 1986, State of Mizoram Act 1986 anga Assam lamin remchanga hmanga kan ram an nek tlat chu a rilru natthlak tih pawh sawiin, Zofaten kan pawm theih loh inremna, North Eastern Areas Reorganisation Act,1971 hi MNF ten an pawm avangin an sawrkar laiin ramri chungchang Mizo mipuite enghelh ber hi ngaihthah a ni hle niin an sawi a. Tunhnaia MNF sawrkar Cabinet Meeting-in Mizoram ramri atana MNF sawrkar lo awm tawhin a lo ngaihthah leh ngaihtuah \hat duhloh Inner Line Regulation 1875 a pawm leh chu a lawmawm viau rualin, ramri chungchanga an lo chet tawh dan enin a ngai\hat thlak loh hle ah an hriat thu an sawi bawk.

Comments

Popular News (Last 30 Days)