Lenkawl

ZPM Chairman Lalliansawta chuan, “Sakhaw tih bik nei ten rorelna an chan hi kan ram tan a him loh avangin party nihna dah\hain ZPM leh Congress te hi kan thawkho ta a ni,” a ti.

ZPM hruaitu Lalduhoma, MLA chuan MNF hotupa in Vawiin thlenga ZNP te NDA-a tel ve anga a sawi chu thu diklo niin a sawi.

MZP General Hqrs. hruaitute chuan nimin khan Mizoram Lokayukta Chairman, C. Lalsawta, IAS (Rtd) chu kawmin  Lokayukta chungchang leh thilpawimawh hrang hrang an sawiho.

Kanghmun South (Lunglei District)-a VC, tlawmngai pawl hrang hrang leh Political Party te chuan tunhnai khan Mizoram Chief Minister hnenah lehkha thehlutin Kanghmun South khua chu Hnahthial District-ah dah tumna a awm nia an hriat thu leh hei hi an duhloh thu an tarlang a. Tunah hian Department hrang hrang 4-ah Ser-chhip District hnuaia an awm thu leh tlawmngai pawl dang- YMA, MHIP leh MUP-ah pawh Serchhip Sub-Hqrs. hnuaia awm an nih thu thlenin, heng te avang hian Serchhip District-a dah turin an ngen bawk. Hemi hmalam hian Zote South khua pawhin sawrkar ah hetiang hian an lo thlen tawh bawk a ni.

Lok Sabha MP inthlanpui neih tura Serchhip District chhung Assembly Constituency pathum a Duty tur Polling Personel te tan training chu nimin khan Govt. Higher Secondary School, Ser-chhip-ah neih chhunzawm leh a ni a, training hi a thawh hnihna atan zawhfel a ni.

Central YMA President, Vanlalruata chuan Mizoram NGO Coordination Committee in April 8, 2019 a\anga Total Bandh neih an tum chu kumin chhung ngeia Tripura Camp khar tum a nih avanga \hulh an nih thu a sawi.

Serchhip Sub-Hqrs. YMA Rorel Inkhawm vawi 2-na chu nimin April 5, 2019 khan Serchhip P&E Veng YMA Hall-ah neih a ni a. He hunah hian hmalakna tur hrang hrang an rel bakah Sub-Hqrs. YMA huamchhunga Fa nei tam, fa 6 aia tam nei mi 17 te hnenah chawimawina hlan an ni.

Mizoram Chief Electoral Officer (CEO), Ashish Kundra, IAS chuan nimin khan Lunglei tlawhin Lok Sabha Election 2019 hmachhawn tura inpuahchahna a enfiah.

Khawvela inthlan hautak ber : India inthlanpui 2019 thlirna - Laldinpuia

Tripura Relief Camp 6-a Bru vote nei ten Electoral Roll a an hming chuanna Polling Station \heuhva vote an thlak ngiat vanga NGO Coordination Committee in tun thla ni 8 a\anga tiamchin awm lova Total Bandh neih an tum chu \hulh a ni.

Lok Sabha inthlanpui neih tura Mizoram pum tana Police Observer tura ruat, Sanchin Ashok Patil, IPS chuan niminpiah khan Serchhip rawn tlawhin Serchhip SP, Shashank Jaiswal IPS nen Serchhip Tourist Lodge-ah inkawmin inthlanpui neih tura venhimna hna thawh dan tura ruahmanna hrang hrang an sawidun a, hemi hnu hian Serchhip-a Polling Station \henkhat tlawhin nizan hmasa khan Mizoram chhimlam pan turin a chhuak leh nghal a ni.

Serchhip District Magistrate chuan thupek chhuah tawh anga Silai tung lo te chungah action lak a nih dawn thu thuchhuah siamin a tarlang.

Lok Sabha inthlanpui neih turah inthlanni-a mipui te vote thlak buaipuitu turte tana training thawh hnihna chu nimin khan Serchhip-ah neih \an niin Vawiin-ah chhunzawm a ni ang.

Health & Family Welfare Department hnuaia Integrated Disease Surveillance Program te zirchianna a landanin tun dinhmunah Mizoram ah Rannung seh natna, Scrub Typhus vei mi 129 hmuhchhuah tawh a ni.

MZP General Hqrs. chuan Mizoram chhunga zirna In hrang hrangte chu Sawrkar remtihna leh dan baka zirlaite hnenah Fee la lo turin an ngen.

Lok Sabha inthlanpui neih tura BJP Candidate, Nirupam Chakma chuan Mizoram-a Autonomous District Council ten thuneihna sang zawk, Territorial Council an hmuh theih nan BJP Sawrkar \antirh a\angin theih-tawp chhuaha hmalak a nih thu Lawngtlai-a thuthar thehdarhtute a kawmna ah a sawi a.

April ni 11-a Lok Sabha leh Aizawl West-I Bye-Election lo awm tur atan ruahmanna peih thawkhat anih tawh thu Mizoram CEO, Ashish Kundra chuan a sawi.

ZPM leh Congress thlawp, Lok Sabha MP inthlan lo awm tura Independent Candidate Lalnghinglova Hmar chuan Act East Policy-ah Prime Minister leh Minister dangte thusawi bak policy document mumal tak a lo la awm meuh lo niin a sawi.

Niminpiah chawhnu khan Serchhip Sub-Hqrs. YMA Serchhip Vigilance & Monitoring Committee chuan Chhiahtlang to Lamchhip kawng siam mek tlawhin hnathawh dan an enfiah.

Lok Sabha inthlanpui neih tura Serchhip District in Vote thlakna khawl, Electronic Voting Machine (EVM) a kawl mek te chu niminpiah khan hman theih tura buatsaih a ni.