Lenkawl

Mizoram-a Iron Rod zuartute chu Mizoram-ah Iron Rod standard size dik lo lalut lo tura tih an ni.

Transport Department changtu Minister Vanlalhlana chuan nimin khan Sairang (Aizawl) leh Lamka (Manipur) inkara tlan tur Inter-State Bus Service pahnih (2) chu Chaltlang-a Transport Department Office tualzawl atangin a vailiam.

ZPM President leh Chief Minister Lalduhoma chuan, “Tun thlengin kan Minister leh MLA zingah eiruknaa hminghliauna nei kan la awm lo,” tiin “He ram hruai hna kan thawhnaah hian insit hle mah ila kil tinah hian Pathian ram hi a thleng mek zel a ni,” a ti.

India rama Cricket thuneitu sang, Board of Control for Cricket in India (BCCI) buatsaih mipa kum 19 hnuailam te inelna, Vinoo Mankad Trophy (Plate) 2026 khel tur Mizoram Undr-19 Team te chuan Mizoram an chhuahsan ta a, Mizoram Team-ah hian Serchhip rawlthar Hmingthanpuia chu a tel a ni.

State Level Committee on Territorial Army Coordination and Establishment-a Chairman Lt. Col. (Retd.) Clement Lalhmingthanga MLA chuan niminpiah khan Aizawl District-a Territorial Army awm lailawkna hmun, Bung Bangla, Zemabawk chu a tlawh a, helai hmun hi Mizo Territorial Army Batch hmasa berte Training zawh hmaa awmna tlaka a hmunhma buatsaih vat a tul thu sawiin, helai hmun hi Officer 5 vel leh Army 50 vel awm theihna tura thawmthat a ngaih bakah, vantlang kawng tawm lova, helai hmun panna tur bik kawng siam a pawimawh thu a sawi bawk a. Amah tawiawmtute nen hmalakna tur hrang hrang an thlirho nghal bawk.

Khawzawl District-a Tlangmawi khua chu Mizorama ruihhlo laka fihlim hmasa ber khua ah puan an ni.

Kum 2026-2029 chhunga ruihhlo do beihpui thlakna tura ruahmanna, 'State Action Plan to Combat Drug Menace 2026-2029' chu Mizoram Larsap General (Dr) Vijay Kumar Singh chuan niminpiah khan a tlangzarh.