Mizoram-a Iron Rod zuartute Standard Size dik lo lalut lo turin hriattir
.jfif)
Hemi chungchanga Mizoram sawrkar-a Controller, Legal Metrology in thuchhuah a siam danin Mizoram chhunga Iron Rod lakluh leh zawrhte zingah Standard size aia te a tam tih hriat a nih thu leh hetiang Iron Rod standard tling lo hman hian Sawrkar leh mimal Insak ah nasa takin a tha lo zawngin a nghawng thei tih a tarlang a. Chuvangin, Section 10 of the Legal Metrology Act,2009 leh Clause 10 of the Mizoram Legal Metrology (Enforcement) Rules, 2026 in a sawi angin Controller, Legal Metrology chuan mipuiin Iron Rod standard dik tak an lei theih nan Iron Rod zuar reng reng te chu an Rod zawrh laite a buk chauha hralh tura a hriattir bakah Iron Rod standard size dik lo Mizoram chhungah an la lut tur a ni lo tih a hriattir bawk a ni.
Iron Rod zuarte chu an thil zawrhte bukna atan Electronic Weighing Machine kawl tur leh heng an bukna te hi Legal Metrology in an endik leh Certificate an pekchauh an hman theih thu sawiin, “Bukna te hi customer-te endik an phalsak tur a ni, buk tling chauh an pechhuak tur a ni,” a ti a. Dan bawhchhiate chu an bungrua te mansak theih an nih thu te, Section 28 of the Legal Metrology Act, 2009 in a sawi angin dan bawhchhiate chu a vawi khatna ah Rs 50,000/-, a vawi hnihnaah Rs 1,00,000/- leh a vawi thumna ah leh an tihsual apiangin Rs 2,00,000/- chawitira hrem theih an nih thu a tarlang bawk a. Iron Rod zuarte chu an insiamthat hun atan October 2026 thleng phalsak an ni a, hemi hnua dan bawhchhiate chu dan angin hrem an nih thu a tarlang bawk.