BCCI Tournament khel turah Serchhip tel

India rama Cricket thuneitu sang, Board of Control for Cricket in India (BCCI) buatsaih mipa kum 19 hnuailam te inelna, Vinoo Mankad Trophy (Plate) 2026 khel tur Mizoram Undr-19 Team te chuan Mizoram an chhuahsan ta a, Mizoram Team-ah hian Serchhip rawlthar Hmingthanpuia chu a tel a ni.
BCCI Domestic Season Schedule-a tel Vinoo Mankad Trophy Plate Group 2026–27 hi October 8 atanga 18 chhung khian Cuttack, Odisha-ah khelh a ni dawn a, he inelna a tel tur hian Cricket Association of Mizoram (CAM) chuan mipa Under-19 Team tirin Mizoram an chhuahsan tawh a ni. Mizoram Team-ah hian player 15 bakah Official 5 an tel a, tun tuma Mizoram aiawha khel tur zingah hian Hmingthanpuia s/o Lalkungi, New Serchhip chu a tel a, ani hi Serchhip District Cricket Association (SEDCA) Academy chhuak niin Age Group inelna ah Mizoram aiawhin a lo khel tawh thin a ni.

Mizoram Team te hian October ni 8 hian East Coast Railway Sports Association Stadium, Bhubaneswar-ah Meghalaya Under-19 Team an hmachhawn anga, match hnuhnung ber hi Sikkim Under-19 nen Ravenshaw University Ground-I, Cuttack ah an khel bawk ang.