Myanmar raltlan Biometric Enrolment ti lo 33 la awm
Electoral roll Special Intensive Revision (SIR) leh Chhiarpui kalpui a nih avanga hun engemaw chen chhunzawm tak loh Myanmar atanga Mizoram-a rawn raltlante an pianzia leh Mit naute thla lakna, Biometric Enrolment chu kalpui chhunzawm leh a ni a. Home Department atanga thudawn danin tun thlengin Myanmar atanga raltlan rawn lut 29,792 zinga 29,763 te chu chhinchhiah an ni tawh a. Hei hi za zela 99.90 a ni. Mizoram-a District 11-a raltlan awmte chhinchhiah hna hi District 8-ah zawhfel a ni tawh a, District 3- Aizawl, Lunglei leh Lawngtlai District-ah te zawhfel ala ni lo a. Heng District-te hian zofel tawh mah se luh belh an awm avangin zo lo anga chhinchhiah an ni leh tawh a. Aizawl District-ah hian raltlan 1 chhinchhiah loh a la awm a, Lunglei District-ah 2 leh Lawngtlai District-ah mi 30 la chhinchhiah loh an awm a ni.