Serchhip Treasury Office-a Pension la te inlan hun tur siam

Serchhip District chhunga Pension/Family Pension la mek te District Treasury Office-a an in report dan tur ruahmanna siam a ni.
District Treasury Office, Serchhip atanga Pension/Family Pension la te November 2026 chhunga Treasury-a in report (Appear in Pension) tura tih an nih angin Serchhip District chhunga Pensioner leh Family Pensioner te in report hun tur hi ruahman a ni a, mahni ngei inlan tura rih an nih rualin damlohna avang leh kum upat avanga mahni inlan thei lo te chuan Village Council President emaw, Gazette Officer hriatpuina- Life Certificate thehluh tur a ni a. Hei bakah hian Aadhaar Card Attested copy pakhat thehluh tel tur a ni bawk ang.

Serchhip-a Treasury Office-a mahni in report hun tura ruahman ang chuan Vawiin, November ni 2 atang 6 chhungin Serchhip, New Serchhip, Bukpui, Thenzawl, Buangpui leh Neihloh khuaa mi te in report tur a ni a, Nov. 9 atanga 13 chhungin Chhiahtlang, Lungpho, Chhingchhip, Khawbel, Thinglian, Hmuntha, Thentlang, Hualtu, Ngentiang, Buhkangkawn, Sialhau, Vanchengte, Tawizo, Baktawng leh Rullam te in report tur a ni ang.

November 16 atanga 20 chhungin Hmawngkawn, Khumtung, Tlungvel, Darlawng, Phulmawi, Hmunzawl, Hriangtlang, Bungtlang, Keitum leh Biate te in report tur a ni a, November 23 atanga 30 chhungin North Vanlaiphai, Bawktlang, Lungkawlh, East Lungdar, Sailulak, Leng, North Mualcheng, Khawlailung, Piler, Chekawn, Lungchhuan leh Sialsir te in report tur a ni bawk ang.