Best Performance Award dawng
Nimin Nov. 20, 2026 khan New Delhi-a Ambedkar International Centre, 15th Janpath-ah ‘PM-SVANidhi Samman Awards Ceremony, 2026’ neih niin he hunah hian Mizoram chuan ‘Best Performance – Digital Adoption Award’ a dawng a, UD&PA Director Jacob Lalawmpuia leh Joint Secretary Margareth Larinawmi Fanai bakah Official dangte an tel a ni. Nimin a Award semna hun hi Union Minister, Manohar Lal Khatri leh State Minister Tokan Sahu ten hmanpuiin, Mizoram hian Pradhan Mantri – Street Vendor Atmanirbhar Nidhi (PM-SVANidhi) hnuaiah North Eastern and Hilly States-a ‘Best Performance – Digital Adoption Award’ a dawng a ni. Kum 2020 June thla atangin PM-SVANidhi hi India ramah kalpui a ni a. Bank te thawhpui in Kawtthlera thil zuar (Street vendor) te loan pek-chhuah thin a ni a. Loan hi a vaiin Rs. 90,000 thleng lak theih a ni a. Loan la te hi digital on boarding te neih puiin, digital transaction hmang tam turin hmalakpui thin an ni bawk.
