Serchhip-a Excise & Narcotics Department leh New Serchhip Bazar Branch YMA te chuan nizan hmasa zanlai pelh hnu, dar 12:30 vel khan Rakzu nia hriat litre 295 zet an man a, heng Rakzu nia hriat te hi Tui bottle (Amawii bottle)-ah litre khat zela khung niin heng Rakzu phurhna atana hman Maruti Celerio MZ-06A/4335 chu man nghal a ni a. Hemi rual hian lirthei khalhtu Joseph Laltanpuia (34), AOC Veng Serchhip nia insawi leh Rakzu neitu nia hriat Laltanpuii (34), IOC Veng, Serchhip nia insawi te chu man nghal an ni a, Section 7 (3) of MLTP Act'19 hnuaiah thubuai siamsak an ni.
