MSPMC in hnathawh an enfiah

Mizoram State Project Monitoring Committee chuan nimin khan MSPMC Member Secretary Er. Lalthanzuala Ralte hovin Champhai Vengthlang-a Working Women Hostel sak mek leh Champhai, Vengsang-a District Court Building te tlawhin hnathawh mek te an enfiah a. Committee chuan heng building pahnihte hi mipuite tana project rotling tak tur a nih angin, tluang zawka hna a kal zui zel theih nan harsatna awm te sukiang turin hma an lak zui zel tur thu an sawi. He hunah hian Contractor-te hmanraw hman leh bungrua hman mekte chu a tha tawk em tih leh building sak mekte chu a nihna ang tur takin an sa em tih te an enfiah a ni.