Mizoram Presbyterian Kohhran-a Senior Department te chuan nimin Pathianni hmang khan Pastor Bial hrang hrangah Bial Inkhawmpui an nei a, Inrinni zan atang khan Inkhawmpui hi neih niin Report hrang hrangte ngaihthlak a nih bakah thu leh hla hmanga inpawlhona te neih a ni a, Bial thenkhat ah chuan thupui thlanbik hmangin Speaker te hnen atangin thuchah ngaihthlak a ni bawk. Senior Department Inkhawmpui hi Serchhip Bial chuan Serchhip Bethel Kohhran Biak In-ah neiin Serchhip Vengchung Bial ten Serchhip Bazar Kohhran Biak In-ah; New Serchhip Bial ten Bukpui Kohhran ah; Chhiahtlang Bial ten Venghlun Kohhran Biak In-ah leh Chhiahtlang Kawn Veng Bial ten Sialhau Kohhran Biak In-ah te an nei a ni.
