MZP Assembly neih tan a ni

Zonuna Kawlni (LENKAWL) • September 24, 2026 • Comments • Mizoram

Mizo Zirlai Pawl (MZP) Assembly vawi 70-na chu nizan khan Darlawn-a ‘Darkhawpui Run’ ah neih tan a ni a, nimin khan Palai ten Darlawn hi an thleng a ni. Kumin-a MZP Assembly-ah hian ‘Zirlaite leh Nationalism’ tih chu thupui-ah hman niin nizan khan Assembly hawnna leh Palai Lawmna Inkhawm neiin Assembly thlengtu leh Bialtu MLA, Lalchhandama Ralte, Leader of Opposition chuan a hawng a. MZP Hqrs. hrang hrang ten Report an pe bawk a ni. Vawiin hian Vantlang Inkhawm neiin Home Minister K. Sapdanga chuan khuallian niin a hmanpui anga, chawhnu lamah Rorel Inkhawm neih a ni ang.