MSTA Sub-Hqrs. Serchhip in Conference an hmang

Mizoram Middle School Teachers' Association (MSTA) Sub-Hqrs. Serchhip chuan nimin khan Conference neiin an Member Pension-a chhuak te an thlah bakah an pawl hruaitu tur an thlang nghal bawk.
Serchhip District-a Middle School Zirtirtute intelkhawmna pawl, Middle School Teachers' Association (MSTA) Sub-Hqrs. Serchhip hian Sub-Hqrs. YMA Hall, Serchhip-ah Conference vawi 27-na hi hmangin an President, T. Lalhming-liana chuan a kaihruai a, DIET Serchhip-a Principal Jane C. Vanlalmuanpuii chuan khuallian nia he hun hi hmanpuiin Middle School Zirtirtu kal-khawm te chu an hnathawhna ah theihtawp chhuah tur leh naupangte nun kaihruai tura an mawhphurhna te tha taka hlenchhuak thei tura an intuaithar ve zel a pawimawh thu te a sawui bawk.

He hunanh hian Joint Secretary F. Ram-dinpuia leh Fin. Secretary, Liansangpuii te hnen atangin Report ngaihthlak a ni a, an Member Pension-a chhuak mi 8 te thlahna hun hmangin an chanchin ngaihthlak a nih bakah thlahna thuziak an hlan a, an pawl Sr. Vice President, Lawrence Zoramtana chuan thu a sawi bawk a ni.

Hemi hnu hian kum 2026-2028 chhunga MSTA Sub-Hqrs. Serchhip hruaitu thlanna nei nghalin OB atan mi 8 thlanchhuah an ni a, heng mite hian an chanvo tur an la insiamrem leh dawn a ni. Middle School Teachers' Association (MSTA) Sub-Hqrs. Serchhip Sub-Hqrs. Serchhip-ah hian School 45 atangin Member 99 an awm mek a, nikum (2025)-ah Member 115 awmin kumin hian 16 laiin an tlahniam a ni.