1st IR Battalion Kohhran kum 30-na Souvenir tlangzarh

Mualvum-a 1st IR Battalion Kohhran chuan an din tirh atanga kum 30 an tlinna puala an buat-saih, ‘Pearl Jubilee Souvenir’ chu nimin khan 1st IR Bn. a Commandant, MS. Dawngkima MPS chuan 1st IR Bn. Kohhran Hall-ah a tlangzarh a, 1st IR Bn. Kohhran chuan Police-te nunah awmze thuk tak a neih thu tarlangin, “1st IR Bn Kohhran kaltlangin Police mi leh sa ten thlarau nun lamah nasa takin hma an sawn phah a, chu chuan inkaih-hruaina (discipline) lamah a tha zawngin hmasawnna a thlen nasa hle a ni,” a ti. Nimin-a tlangzarh tak Souvenir-ah hian 1st IR Bn. Kohhran Biak In din a lo nih dan te, thlalak hlui pawimawh thenkhatte leh rawngbawltu lo ni tawh thin leh ni mekte thuziak tha tak takte chhawpchhuah a ni.