14th Assam Rifles te Football inelna ah Champion
23 Sector hnuaia Assam Rifles Battalion hrang hrangte tana Football inelna hi Serchhip Sports Complex-ah khelh niin tun tumah hian Battalion pathum an tel a, heng Battalion hrang hrangte hi an inhmachhawn kual vel hnuah Serchhip-a awm 14th Assam Rifles hian an khingpuite hneh vekin Final an lut a, Aizawl-a awm 34th Assam Rifles te tum khat chakin Final an lut bawk a, nimin khan Final hi khelh niin 14th Assam Rifles hian 34th Assam Rifles te hi 4-1 a hnehin an Champion a ni.
He inelna a Champion 14th Assam Rifles hian Trophy leh Medal dawngin 14th Assam Rifles-a Commandant Anil Kumar Mishra chuan lawmman hi a hlan a, Best Player atan Lalhruai-tluanga, 34th Assam Rifles thlangin 14th Assam Rifles atangin Pankaj Chettri chu Top Scorer a nih bakah Saif Khan chu Best Goalkeeper atan thlan a ni bawk.
Nimin-a Final khelh zawh a nih hnu hian tualchhung mite nen inthian thatna tura hmalakna peng pakhat atan 14th Assam Rifles Team leh Goodwill English Academy Team te chuan Football Friendly Match an khel nghal a ni.