ZPM in Chhung Inkhawm nei

ZPM Party chuan nimin khan Aizawl-a an party Office-ah Chhung Inkhawm neiin Aizawl Mayor leh ZPM Adviser H. Lalremtluanga chuan an Party mipuite fuihna thu a sawi a ni. Aizawl Mayor chuan ZPM chu ‘Ram rorelnaa Pathian ram tun din thupuia neitute’ an ni tih sawiin, “He thu ropui tak hi kan ngaihtuah nawn fo a, tawngtai chunga kan chawinun thar leh a ngai tak zetin a hriat a ni,” a ti a. “Hna te hi chu kan thawk tha viau pawh a ni thei e, amaherawhchu, ram rorelnaa Pathian ram tundin mawlh mai hi kan ngaihthah chuan ropui bung bung angin lang mah ila a sawp chu nasa tak a ni thei. Beram thau tha pui pui te, Bawng tha leh nalh tak tak inthawina atana kaih duah duah te chu an thau thlawn mai a ni. Thuawih lo chungin inthawina ringawtin sual a khuh bo thei lo, Lalpa tan rimchhia a ni thei. Kan ti tha duh lova, chunglam venthawnna tel lova kan tal na viau reng a nih chuan, chunglam hian keini lo hi ram rorel tur dang a la ngah ang, tih pawh ngaihtuah thlen theih a ni,” tiin hun an la neih laia insiamtha turin an Party mipuite chu a fuih a ni.