Mizoram HIV hrik kai mi 34,745 hmuhchhuah an ni tawh

Mizoram-ah kumin (2026) June thla thleng khan HIV vei mi 34,745 hmuhchhuah an ni tawh a, mi 6,369 an thi tawh a, Mizoram State AIDS Control Society (MSACS) hotute chuan, mipuiin HIV an vei leh vei loh endik tir ngam se an duh thu an sawi bawk.
MSACS chhinchhiah danin, Mizoram-ah October 1990 khan HIV kai hmuhchhuah tan niin hemi atangin June 2026 thleng khan HIV vei mi 34,745 hmuhchhuah an ni tawh a, chung zinga 29,057 chu ART la turin an inziaklut a, ART la mek mi 26,223 an awm a. HIV vei zingah hian naupang kum 14 hnuailam mi 854 hmuchhuah tawh a ni a, kum 25-34 inkar vei tam berin mi 13,210 hmuhchhuah an ni tawh bawk.

MSACS hotute chuan, HIV+ve hmuhchhuah tawh zingah kum 5 aia rei a hrik lo pai tawh zaa 50 aia tam an awm thu an sawi a, HIV+ve an ni tih hriat a nih lawk loh avangin a hrikin an taksa a lo tichhe hman tawh thin a, hei hian enkawlna ah harsatna thlen thin tih an sawi a, Positive an nih hriat atanga rei vak loa thi maite an awm a, a pawi hle tih sawiin, mahni dinhmun hriat a pawimawh thu an sawi bawk a ni.