Rampum-a Zirtirtu tha chawimawina, National Teachers’ Award 2026 dawng tura thlan zingah Lunglei-a Govt. Electric Veng H/S Headmistress, Lalnunmawii chu a tel. Sawrkar laipuia Ministry of Education chuan National Teachers’ Award 2026 dawng turin Lalnunmawii hi Zirtawpni khan a hriattir a, New Delhi-a Vigyan Bgawan-ah President Droupadi Murmu-i’n he chawimawina hi a hlan ang. National Teachers’ Award hian lawmpuina thuziak leh Medal bakah pawisafai Rs. 50,000/- a keng tel a, Lalnunmawii bakah hian ramchhunga zirtirtu tha mi 47 te chu he chawimawina hi hlan an ni ang. Lunglei Electric Veng-a cheng Lalnunmawii hi Electric Veng Lunglei atanga National Teacher Award dawngtu pathumna tur niin thiamna lamah B.Sc (Mathematics) a ni a, zirlai thiam tak tak chherchhuak tawhin zirna bakah zirlaite hmasawnna tur hrang hrang a tuipui thin a ni.
.jfif)