Electric man vangin boral

Zonuna Kawlni (LENKAWL) • August 24, 2026 • Comments • Mizoram

Champhai District chhung Khuangthing khuaa cheng Lalhranga chu Zirtawpni khan Electric in a man avangin a boral.

Thudawn danin Lalhranga hian an khaw dai-ah thing satin a thing sah hian Electric hruipui a delh a, Electric hi titawp tura tih a nih hnuah Rubber kutkawr te hmangin a thing hi lak a tum a, amaherawh chu vanduaithlak takin he kawlphetha hruipui hi Tlawva Small Hydel Project thlunzawmna 33 KV Line zawk a lo nih avangin a thing hnuh zawng hian hruipui hi a dek kawp a, Electric hian manin a boral zui ta a ni. A ruang hi Khawbung PHC-ah Postmortem a nih hnuah Inrinni khan vuiliam a ni.

Aizawl Khatla South a cheng Lalremruata (16) chu Inrinni zing khan Electric man vangin a boral bawk a. Thudawn danin Lalremruata te hi Tuikhuahtlang Basketball Court-ah an inkhel a, ball liam a chhar tur chu 11kV Line tawk palhin Electric current in a man a, a boral nghal a ni. A ruang hi Inrinni khan vuiliam nghal a ni.