Zirlaite tan Beat Contest buatsaih leh dawn

Mizo Zaimi Inzawmkhawm (MZI) chuan Mizoram puma High School leh Higher Secondary School-a zirlai naupang, music lama tui leh thiamna nei te tan thla thar-ah khian ni 2 awh ‘Inter High School & Higher Secondary School Beat Contest’ an buatsaih dawn tih an sawi a. Nikum lama hetiang inelna an buatsaih chuan hlut a hlawh hle nia an hriat thu sawiin, kumin hian lawmman pawh tipungin pakhatna in Rs. 70,000/-; pahnihna in Rs. 50,000/-; pathumna in Rs. 30,000/- leh a titha dang pasarih ten Rs. 10,000/- theuh a dawn theih dawn bakah mimal lawmman pawh siam a nih tur thu an sawi bawk.