Campaign hun tawp dawn

Tun thla ni 20-a East Lungdar Village Council by-election neih tur atana Campaign theih hun chu Vawiin tlai dar 5:00 hian a tawp dawn ta.

East Lungdar VC-a Seat ruak pakhat hnawh-khat tur hian tunkar Ningani, August 20, 2026 zing dar 7:00 atanga tlai dar 5:00 thleng hian mipui ten Vote an thlak dawn a, Vote thlak hun tawp atanga chhiarlet-a darkar 48 chhung chu Campaign phal loh a nih angin Vawiin, August 18, 2026 tlai dar 5:00 hnu lamah hi chuan Campaign ang chi reng reng phal a ni tawh dawn lo a ni.

He inthlanna neih turah hian mipui ten zalen taka Vote an thlak theih nan Mizoram sawrkar GAD chuan East Lungdar Village Council huam-chhungah August 20, 2026 (Ningani) hi sawrkar chawlh (Public Holiday)-ah a puang tih Serchhip District Election Officer chuan mipuite a hriattir bawk a ni.