LBS Suzuki Avenis 24th Inter Branch YMA Volleyball Tournament 2026 khel mekah Khawbel chuan Semi Final lutin Vawiin hian Muanna Veng nen Semi Final an khel ang. Central YMA leh Mizoram Volleyball Association (MVA) te tangkawp buatsaih ‘LBS Suzuki Avenis 24th Inter Branch YMA Volleyball Tournament 2026’ khelh mekah hian nimin khan Mipa Quarter Final khelh niin Sub-Hqrs. YMA Serchhip huamchhung atanga tel Khawbel Branch hian Ngopa Hmar Veng Branch hmachhawnin inhnehtawk taka inkhel ah Khawbel Branch hi a vannei zawkah tangin 3-1 in hnehna an chang a, Khawbel Branch hian Set hmasa ber hi 26-24 a lain Set hnihna pawh 28-26 in an la leh hram a, Set thumna ah Ngipa Hmar Veng Branch in 23-25 a la ve thungin Set lina ah Khawbel hian 25-16 a set la lehin hnehna an chang a, Semi Final an lut ta a ni.
Inkhel dangah Champion lai, Muanna Veng Branch chuan Tachhip Branch chu 3-2 a hnehin Nursery Veng Branch chuan Khawhai Branch chu in an hneh bawk a, Hunthar Branch chuan Maubawk Branch chu 3-0 in an hneh bawk. Inter Branch YMA Volleyball Tournament khelh mek hi Vawiin-ah Mipa leh Hmeichhe Semi Final khelh a ni ang.
