Park enkawlna ah lungawi lo

Hlimen Local Council, YMA, MHIP leh MUP te chuan thuchhuah intawm siamin, Hlimen Veng chhunga awm, Directorate of Local Administration, Rural Development & Administration Department hnuaia awm mek Lalsavunga Park enkawl a nih danah Directorate of Local Administration, Rural Development & Administration Department leh Oasis Lalruattluanga (Contractor) ten a enkawl dan tur, Deed of Agreement an siam anga enkawl tawk loh thu tarlangin, an inremna te bawhchhiat a nih avang leh Lalsa-vunga Park chuan rawih lam a pan leh enkawl that ni lova a awm chu pawi an tih thu an sawi a. Hei vang hian Lalsavunga Park enkawltu (Contractor) Oasis Lalruattluanga chu Department-in kumin August ralhma in a contract hi a cancel lo a nih chuan Lalsavunga Park chu Hllimen Local Council leh All NGOs te chuan tlawh theih loh turin tiamchin awm lovin an dang dawn tih an tarlang bawk.