SIR 2026-ah Hearing zofelin Final Roll tar hun thlak a ni
Serchhip District-a SIR 2026 kalpui mekah hian Serchhip District chhunga Assembly Constituency pathum; 26-Serchhip (ST) AC, 27-Tuikum (ST) AC leh 28-Hrangzurzo (ST) AC-ah hian Hearing neih ngai 8,313 an awm a, heng te hi ERO leh AERO ten ngawrh taka Hearing an neihpui hnuah nimin khan tluang taka zawhfel a ni a. Fur ruahtui tla avangin khaw thenkhat kalpawh harsa deuh mah se tluang takin Hearing hi neih a ni a, khaw hrang hrangah YMA te pawhin hearing hi an telpui a ni.
Chhinchhiahna atanga a lan danin 26-Serchhip (ST) AC-ah kum 2005 Electoral Roll a zawmpui nei, mahse an inziah dana felhhlel awm (mapping with discrepancies) 1906 awmin Draft Electoral-a hming chuang, mahse kum 2005 E/Roll-a zawmpui nei lo (no mapping) 412 leh Electoral Roll-a inthun thar (New Enrolment) Case 491 a awm a; 27-Tuikum (ST) AC-ah Discrepancy Case 1948 awmin No mapping Case 318 leh New Enrolment Case 422 a awm a; 28-Hrangturzo (ST) AC-ah Discrepancy Case 2002 awmin No mapping Case 468 leh New Enrolment Case 346 a awm bawk a ni.
Hetihlai hian SIR 2026 neih meka Final Electoral Roll tarchhuah hun tura ruahman tawh chu tih danglam a ni a. Mizoram puma neih mek Special Intensive Revision of Electoral Rolls 2026-ah hian Final Electoral Roll tarchhuah ni tura ruat September ni 6, 2026 chu Pathianni a nih avangin Mizoram CEO chuan Election Commission of India (ECI)-ah sawn a dil a. He dilna hi ECI chuan pawmsakin September ni 7, 2026 (Thawhtanni)-ah Final Electoral Roll hi tarchhuah a ni dawn ta a ni.