School tam zawk provincialise theih nan Rules ennawn in Mizoram Development Finance Corporation din rel a ni
Nimin khan Chief Minister Lalduhoma kaihhruaiin Council of Ministers te chu Chief Minister Office-a Cabinet Room-ah thukhawmin mipui ngaihven hlawh School Education Department atanga ‘Proposal for revision of prerequisite conditions for provincialisation of schools and related matters’ chu pawm a ni a, he ruahmanna hnuaiah hian School provincialise-na Dan chu tihawlsam a, School tam zawk provincialise an nih theih nan Rules ennawn tura ruahman a ni a, Sum leh pai senso ngai tur zat lo zirchian ni bawk se tiin Council of Ministers thutkhawm ah ngaihtuah leh tur a ni ang.
Hei bakah hian Council of Minister thutkhawm hian Mizoram Development Finance Corporation din chu pawmin hei hi ZPM Party in Inthlan dawna Manifesto-a Development Bank siam an tum tihhlawhtlinna tur a ni dawn a. Sawrkar Flagship Scheme Bana Kaih hnuaia Loan latute leh entrepreneur ten awlsam zawka loan an lak theihna tur niin sawrkar thuneihna hnuaia kal lova Independent Body anga kalpui tur a ni anga. Interim Committee din phawt tur niin chu Committee chuan Mizoram Development Finance Corporation a din theih nana thil tulte a rawn chhawpchhuak ve leh dawn a ni.
Heng bakah hian Rural Development & Administration Department atanga Mizoram Visksit Bharat: Guarantee for Rozgar and Ajeevika Mission (Gramin) Fund Rules, 2026 chungchang ngaihtuah tura thu lut hrang hrangte chu sawiho a pawm a ni a. Labour, Employment, Skill Development and Entrepreneurship (LESDE) Department atanga Proposal for the Mizoram Shops and Establishments (Regulation of Employment and Conditions of Service) (Amendment) Bill, 2026, as an amendment to the Mizoram Shops and Establishments (Regulation of Employment and Conditions of Service) Act, 2010 lut chu pawmin Health & Family Welfare Department atanga lut Draft the Mizoram Medical Council (Amendment) Bill, 2026 leh Draft the Mizoram State Medical Council (Second Amendment) Rules, 2026 te pawh pawm a ni bawk.