Vairengte-a ILP pek tlahniam

Kumin chhungin Vairengte-a Inner Line Permit (ILP) pekchhuahna, ILP Checkgate atanga ILP pekchhuah zat a tlahniam hle a, hei hi nikum September thla atanga Sairang Rel Station-a Rel a rawn luh tak vang nia rin a ni. Thudawn danin kumin January atanga July thla chhunga Vairengte atanga ILP pekchhuah zawng zawng hi 17,928 chauh niin hei hi nikum lam nen tehkhin chuan a let in a tlem zawk a. Vairengte Sub-Divisional Office ILP Checkgate-a Duty te sawi danin, Sairang a Rel rawn luh hma chuan thlakhat ah ILP 4000 atanga 5000 inkar te an siam thin a, tunah chuan thla khatah 3000 pawh an siam tling tawh lo a, hei hian kawngpui a motor hmanga Mizoram rawn lut aiin Rel hmanga Mizoram-a hnamdang rawn lut an tam zawk tawh tih a tichiang niin an sawi.