By-election atan inbuat-saihna peihfel a ni tawh

East Lungdar Village Council-a Seat ruak pakhat hnawhkhat tura naktuk-a inthlanna nei turin inbuatsaihna peihfel thawkhat a ni tawh a, Vawiin hian inthlanna a hman tur bungrua te East Lungdar panpui a ni ang.
State Election Commission (SEC) in ruahmanna a siam tawh angin East Lungdar Village Council-a General seat ruak pakhat awm hnawhkhat tura inthlanna (by-election) hi naktuk, August 20, 2026 hian neih a ni dawn a, he inthlanna neih tur atan hian inbuat-saihna engkim peihfel ni tawhin Election-a Duty turte tana Training neih fel a nih hnuah niminpiah khan Vote tla chhiar tura ruat te pawhin he Inthlanna a Returning Officer, J. Lalhmangaihzuala kaihhruaiin neih a ni tawh bawk a, Vawiin chawhma lam hian Serchhip DC Office atangin Inthlanna a hman tur bungraw hrang hrangte pechhuakin East Lungdar hi panpui a ni ang. Ruahman lawk ang chuan naktuk zing dar 7:00 atangin mipuite tan Vote thlak theih a ni dawn a, tlai dar 5:00 thlengin Vote thlakna hun hawngin hemi hnu hian Vote tla te chhiar nghal a ni ang.

Tarlan tawh angin he inthlanna ah hian ZPM Party chuan F. Lalchawimawia chu Candidate in Indian National Congress (INC) chuan Vansangliana an din tir thung a, INC hi MNF nen an thawkdun a ni.

East Lungdar Village Council-ah hian In 624 awmin Vote nei mipa 1112 leh hmeichhia 1248, an vaiin 2360 an awm a, VC Seat 7 awmin by-election nei tur hian inbuatsaih engkim peihfel a ni tawh a ni.