Pawikhawihna hmun 50-ah FSL-te kal tawh

Forensic Science Laboratory (FSL)-a mi thiamte chu kumin July thla thleng khan pawikhawihna hmun 50-ah an kal tawh a, Police-ten an man pawikhawihtu hrang hrangte kutze thla (fingerprint) 5,982 an nei/kawl tha tawh.

FSL-in an chhinchhiah a tarlan a nih danin kumin 2026, January atanga July thla thleng khan pawikhawihna (crime scene) hmun 50-ah an kal tawh a, thubuai 3,979 an enfiah zo a. Hnuchhuina kaihhnawih peng hrang hrang an hmuh chhuah zat chu 5,100 niin pawi khawihna thubuai leh an endikna kaihhnawihah court-ah vawi 232 an ding tawh bawk.

Kum 2024-2025 chhung khan FSL mi thiamten tualthahna thleng vawi 20 enfiah an nei a, mipat hmeichhiatna chungchanga pawikhawihna thleng 18 enfiah an nei a. Heng bakah hian pawikhawihna hrang hrang enfiah an nei bawk.

FSL hian police-ten an man pawi khawihtu hrang hrangte fingerprint 5,982 an nei/kawl tha tawh a, tun thlenga kutze thla an neihte hi pawikhawihtu convict (thiam loh chantir) tawh mi 3,373-te leh pawikhawihtu an man tawh mi 2,609-te kutze thla a ni.