Kolasib-ah HIV thlirho

Nimin khan Kolasib-ah District AIDS Prevention & Control Committee chu thukhawmin HIV/AIDS darh zel tur ven leh '3rd Phase Intensified IEC Campaign' kalpui dan turte sawiho a ni a. He huna tarlan a nih danin kumin June atanga August thla thleng khan Kolasib District-ah mi 2818 te thisen enfiah niin heng atang hian HIV hrik kai mi 31 hmuhchhuah niin thisen enfiah atanga za zela 1.1 a ni a, HIV kai zinga mi 3 chu nu naupai an ni. HIV kaina chhan langsar ber chu mipat hmeichhiatna hman atangin a ni a, hetiang kawnga kai hi mi 19 awmin Mipat hmeichhiatna atanga kai zingah hian Non-Commercial emaw Non-Regular partner atanga kai mi 13 an awm a, Regular partner emaw nupa tuak atanga kai mi 5 an awm bawk. Heng bakah hian inchiuna hriau thianghlim lo atanga HIV kai mi 8 an awm a, nu atanga naute a kai (Parent to child) pakhat a awm bawk.