MSPMC ten Tlungvel-a EMRS sak mek an enfiah
Mizoram State Project Monitoring Committee (MSPMC) Inspecting Team hian kum 2024 June 7 khan Tlungvel-a EMRS sak hi lo enfiah tawhin hnathawh component hrang hrang chu Plan anga sak a ni em tih an lo endik tawh a. Hemi tum hian hnathawh tur za zela 55 zawh tawh niin Contractor hnenah hian sum vbc. 15.94 pek anih tawh thu dawn a ni bawk a. MSPMC Team hian EMRS Tlungvel-a component hrang hrangah hian duhthusam lo siam that dan turah rawtna engemaw zat a lo siam tawh bawk a. Chung te chu a taka zawm a nih leh nih loh dante tun tumah hian chik takin an endik a. Hmanraw hman dinhmun te an enfiah bakah Concrete quality thlengin an enfiah bawk a ni.
Eklavya Model Residential School (EMRS) Tlungvel hi Ministry of Tribal Affairs hnuaiah hmun kilkhawr zawk a mi, Schedule Tribe (Middle leh High School Level) ten National Standard zirna tha a thlawna an hmuh theihna tura ruahman a ni a, he Building hi cheng vbc. 24 senga sak tura ruahman niin agreement amount chu cheng vbc. 23.3361 a ni a, VRS Construction, Zonuam, Aizawl te chuan he hna hi thawkin a hna zawh hun tura ruahman hmasak chu December 20, 2021 a ni a, huntiam chhunga an zawh hman loh avangin December 21, 2024 thlengin hun pek belh leh ni mah se tun thlengin zawh ala ni ta chuang lo a ni.