CM in East Lungdar-a Zotui Company te a tlawh

Chief Minister Lalduhoma chuan Zirtawpni tlai khan E. Lungdar a awm Zotui Orange Farmer Producer Company Limited hmunhma a tlawh a, Zotui Company te hian Lakhuihthei leikhawmin Abacaxi Pineapple Wine an siam mek a ni.
Chief Minister Lalduhoma chuan kuthnathawktute thlai thar leikhawm a, Horticulture Sector lamah sawrkar tana tangkai Zotui Company ten an mamawh an thlen te leh hmunhma an neih theihna turin sawrkar in hma an lak zui tur thu a sawi a ni. 

He hunah hian Kuthnathawktute thlai thar leia Production nei thin Private Company ten zau zawk a hralhna (marketing) lama hlawtlinna an chan theih nana hma lakpuitu Sanjay Kumar, Managing Director, Rural Roots Innovation chuan an hnathawh dan leh an hmachhawpte bakah sawrkar atanga puih an mamawh dan te a sawifiah a. Zotui Company te hian an an hmasawn theihna atan Bialtu MLA Lalmuanpuia Punte in a Fund atanga a puihna ah lawmthu an sawi bawk a ni.

Chief Minister in helai hmun a tlawhna ah hian Bialtu MLA leh MIFCO Chairman Lalthazuala Rawite ten Chief Minister hi an tawiawm bawk a ni.