MSO in lungawi loh lantir

Mara Students' Organisation (MSO) General Headquarters, Siaha chuan Mara Autonomous District Council (MADC) hnuaia Recruitment Board kaltlanga sawrkar hnaruak hrang hrang Advertisement tihchhuaha lak, Written leh Interview exam pawh zawhfel vek a nih hnuah pawh tun thlenga Appointment order la chhuah a ni chu hriatthiam harsa an tih thu sawiin, hei vang hian Zirtawpni khan Siaha-a MADC Office bulah Sit-in Demonstration hmangin an lungawi lohna an lantir a. MADC hotute hnenah appointment order chhuah tawh tura ngenna an siam tawh hnuah pawh chhanna tha an hmuh loh sawiin, an ngenna leh phut hi tihhlawhtlin a nih loh chuan MADC Monsoon Session lo awm tur pawh dan an tum thu an sawi bawk.